Lokacioni “Bregu i Lepencit” mund të përshkruhet si një park rekreativ që ndodhet përgjatë bregut të lumit Lepenc në Fshatin Soponicë dhe është zhvilluar për qëllime rekreative dhe mjedisore. Shërben si një hapësirë ​​ku njerëzit mund të shijojnë aktivitete të ndryshme në natyrë, të lidhen me natyrën dhe të vlerësojnë bukurinë e lumit dhe lokacionit përreth.

Ky park është i dizajnuar për të ofruar një përvojë unike në natyrë. Këtu përfshihen disa komponente të parkut, së pari në pjesën qendrore është skara dhe vendi për pregatitjen e flisë, vazhdon me ulëset e dizajnuara për vizitorët si dhe ka qasje në lumin Lepenc. Vendosja e parkut në këtë lokacion unik është që vizitorët të kenë qasje dhe të freskohen në lumin e kristaltë të Lepencit.

Një nga qëllimet kryesore të një parku lumor është ngritja e vetëdijes si dhe ruajtja dhe mbrojtja e mjedisit natyror që rrethon lumin. Kjo përfshin ruajtjen e integritetit të brigjeve të lumenjve dhe garantimin e mbrojtjes së florës dhe faunës në zonë. Me kreativitet, punë e përkushtim arritëm kombinimin sa më optimal mes elementeve bazë natyore si gjelbrimi dhe uji.

Këto aktivitete organizohen në kuadër të projektit “Shijoni lumenjtë e pellgut të Lepencit” i cili implementohet nga Organizata për Mbrojtjen e Mjedisit Gjethi dhe financohet nga Programi IËRM-K dhe Komuna e Kaçanikut.

IWRM-K është Program i Agjencisë Zvicerrane për Zhvillim dhe Bashkëpunim (SDC) dhe i Qeverisë së Kosovës, i implementuar nga Skat Consulting Ltd. (Zvicërr) në konsorcium me Agjencinë e Mjedisit Austria (EAA).